Suriya poytaxti Damashqqa Isroil harbiy-havo kuchlari tomonidan 19-fevral kuni raketa zarbalari berildi. Bu haqda Reuters xabar bermoqda.
Qayd etilishicha, raketa Damashq markazidagi qattiq qo‘riqlanadigan xavfsizlik majmuasi yonidagi binoga kelib tushgan. Poytaxt markazidagi aholi zich joylashgan hududdagi yana bir necha binolarga ham zarar yetgan.
Suriyaning SANA agentligining ma'lum qilishicha, buning oqibatida besh kishi halok bo‘lgan, 15 nafari jarohatlangan. Mamlakat havo hujumidan mudofaa tizimlari havo nishonlarini o‘qqa tutgan va raketalarning ko‘p qismini urishga muvaffaq bo‘lgan.
Isroil mudofaa vazirligi hodisa yuzasidan izoh bermadi.
Izoh (0)