Ukraina, NATO va Yevropa Ittifoqi ilk bor uch tomonlama uchrashuv o‘tkazadi, unda hamkorlikni mustahkamlash va Rossiya “agressiyasi” muhokama qilinadi. Bu haqda alyans saytida xabar berildi.
Uchrashuv 21-fevral kuni NATO shtab-kvartirasida bo‘lib o‘tadi. Unda Ukraina tashqi ishlar vaziri Dmitriy Kuleba, NATO bosh kotibi Yens Stoltenberg va Yevropa Ittifoqi diplomati Josep Borrel ishtirok etadi. Shundan so‘ng ular qo‘shma matbuot anjumani o‘tkazib, muzokara natijalarini bo‘lishadi.
Mazkur ma’lumotni Ukraina tashqi ishlar vazirligi rahbari o‘zining Twitter sahifasida tasdiqlagan.
“Ukraina va Yevropani himoya qilish yo‘lida sheriklik va hamkorligimizni mustahkamlash uchun Yens Stoltenberg va Josep Borrel bilan uchrashishni intiqlik bilan kutaman”, — degan Dmitriy Kuleba.
Ukraina diplomati 20-fevral kuni Yevropa Ittifoqi mamlakatlari tashqi ishlar vazirlarining Bryusselda ham bo‘lib o‘tadigan yig‘ilishiga ham qo‘shiladi. Yevropa Ittifoqi Kengashi shu kuni Dmitriy Kuleba bilan muzokaralardan so‘ng Rossiyaning Ukrainadagi agressiyasi bo‘yicha fikr almashadi.
Bundan tashqari, ular Afg‘oniston, Erondagi vaziyatni, shuningdek, energetika va iqlim o‘zgarishi sohasidagi diplomatik sa’y-harakatlarni muhokama qiladi.
Izoh (0)