Украина, НАТО ва Европа Иттифоқи илк бор уч томонлама учрашув ўтказади, унда ҳамкорликни мустаҳкамлаш ва Россия “агрессияси” муҳокама қилинади. Бу ҳақда алянс сайтида хабар берилди.
Учрашув 21 февраль куни НАТО штаб-квартирасида бўлиб ўтади. Унда Украина ташқи ишлар вазири Дмитрий Кулеба, НАТО бош котиби Йенс Столтенберг ва Европа Иттифоқи дипломати Жозеп Боррел иштирок этади. Шундан сўнг улар қўшма матбуот анжумани ўтказиб, музокара натижаларини бўлишади.
Мазкур маълумотни Украина ташқи ишлар вазирлиги раҳбари ўзининг Twitter саҳифасида тасдиқлаган.
“Украина ва Европани ҳимоя қилиш йўлида шериклик ва ҳамкорлигимизни мустаҳкамлаш учун Йенс Столтенберг ва Жозеп Боррел билан учрашишни интиқлик билан кутаман”, — деган Дмитрий Кулеба.
Украина дипломати 20 февраль куни Европа Иттифоқи мамлакатлари ташқи ишлар вазирларининг Брюсселда ҳам бўлиб ўтадиган йиғилишига ҳам қўшилади. Европа Иттифоқи Кенгаши шу куни Дмитрий Кулеба билан музокаралардан сўнг Россиянинг Украинадаги агрессияси бўйича фикр алмашади.
Бундан ташқари, улар Афғонистон, Эрондаги вазиятни, шунингдек, энергетика ва иқлим ўзгариши соҳасидаги дипломатик саъй-ҳаракатларни муҳокама қилади.
Изоҳ (0)