Ukrainadagi urush boshlanganidan beri rus qo‘shinlarining umumiy yo‘qotishlari 200 ming kishini tashkil etadi, ulardan 60 mingtasi halok bo‘lgan. Bu haqda Britaniya Mudofaa vazirligi razvedka hisobotida ma’lum qildi.
“Rossiya Mudofaa vazirligi kuchlari va xususiy harbiy kampaniyalar urush boshlanganidan beri 175-200 ming kishini yo‘qotgan. Bu, taxminan, 40-60 mingga yaqin halok bo‘lganlarni o‘z ichiga oladi", — deyiladi xabarda.
Shu bilan birga, “Vagner” yollanma jangchilari orasida yo‘qotishlarning umumiy soni, taxminan, 50 foizga yetadi. Sentabrda Rossiyada “qisman safarbarlik” boshlangani ortidan urushdagi yo‘qotish tez sur’atlar bilan o‘sgani qayd etilgan.
Hisobotda vafot etganlar sonining yaradorlar soniga nisbati zamonaviy urush uchun g‘ayritabiiy darajada yuqori ekani ta’kidlanmoqda.
“Bu deyarli ko‘pchilik bo‘linmalarning tibbiy yordamga muhtojligiga ishora qiladi”, — dedi razvedka va eng ko‘p yo‘qotish Ukraina artilleriya zarbalaridan ko‘rilganini bildirdi.
Izoh (0)