AQSH qiruvchi samolyotlari Alyaska hududida Rossiyaning to‘rtta harbiy samolyotini tutib olgani ma’lum qilindi. Bu haqda Shimoliy Amerika aerokosmik mudofaa qo‘mondonligi (NORAD) xabar berdi.
Ma’lum qilinishicha, Rossiyaning Tu-95 bombardimonchi, Su-30 va Su-35 qiruvchi samolyotlari ushlangan. Rossiya samolyotlari xalqaro havo hududida bo‘lgan. AQSH va Kanada havo hududining buzilishi holatlari kuzatilmagan.
Bundan tashqari, hisobotda Rossiya Shimoliy Amerika havo hududi yaqinida bunday parvozlarni tez-tez amalga oshirishi keltirib o‘tiladi. Shu bilan birga, NORAD buni tahdid yoki provokatsiya deb hisoblamagan. NORAD qo‘mondonligi havo hududini kuzatib borishi va istalgan vaqtda Rossiya samolyotlarini tutib olishga tayyorligini bildirgan.
15-fevral kuni Rossiyaning bir necha qiruvchi va strategik bombardimonchi samolyotlari Alyaska yaqinidagi xalqaro havo hududini kesib o‘tgani sababli AQSH jangovar samolyotlari havoga ko‘targandi. NORAD havo hududiga ikkita F-16 qiruvchi samolyotini yuborgan. Bayonotda Rossiya samolyoti AQSH havo hududiga kirmagani va hech qanday xavf tug‘dirmagani keltirilgan.
14-fevral kuni Niderlandiyaning ikkita F-35 qiruvchisi uchta Rossiya harbiy samolyotidan iborat guruhni Polsha osmonida tutib, ularni NATO masʼuliyati hududidan tashqariga olib chiqqan.
Izoh (0)