Toshkent shahri “Beltepa” mahallasida 14-fevral kuni orqaga harakatlanayotgan Captiva 2 yoshli bolani urib yubordi. Bu haqda poytaxt IIBB axborot xizmati xabar berdi.
Ma’lum qilinishicha, haydovchi U.S. Captiva avtomashinasida orqaga harakatlanayotib, voyaga yetmagan 2021-yilda tug‘ilgan M.U.ni urib yuborgan. Yo‘l-transport hodisasi oqibatida olgan tan jarohatlari sababli bola voqea joyida halok bo‘lgan.
Mazkur holat yuzasidan Jinoyat kodeksining 266-moddasi 2-qismi (transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilgan. Hozirda tergov harakatlari olib borilmoqda. IIBB ota-onalardan voyaga yetmagan bolalarni qarovsiz qoldirmaslikni, haydovchilardan esa orqaga harakatlanayotganda yanada ehtiyotkor bo‘lishni so‘ragan.
Izoh (0)