Тошкент шаҳри “Белтепа” маҳалласида 14 февраль куни орқага ҳаракатланаётган Captiva 2 ёшли болани уриб юборди. Бу ҳақда пойтахт ИИBB ахборот хизмати хабар берди.
Маълум қилинишича, ҳайдовчи У.С. Captiva автомашинасида орқага ҳаракатланаётиб, вояга етмаган 2021 йилда туғилган М.У.ни уриб юборган. Йўл-транспорт ҳодисаси оқибатида олган тан жароҳатлари сабабли бола воқеа жойида ҳалок бўлган.
Мазкур ҳолат юзасидан Жиноят кодексининг 266-моддаси 2-қисми (транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган. Ҳозирда тергов ҳаракатлари олиб борилмоқда. ИИBB ота-оналардан вояга етмаган болаларни қаровсиз қолдирмасликни, ҳайдовчилардан эса орқага ҳаракатланаётганда янада эҳтиёткор бўлишни сўраган.
Изоҳ (0)