Qozog‘iston fevral oyi oxirigacha O‘zbekiston va Turkmaniston bilan chegarasida elektron navbat joriy etadi. Bu haqda “Kapital.kz” xabar berdi.
Qozog‘iston Davlat daromadlari qo‘mitasi yana to‘rtta nazorat-o‘tkazish punktida elektron navbat joriy etilishini ma’lum qildi. Elektron navbat tizimi qozog‘istonlik ishlab chiquvchilar va Qozog‘iston Moliya vazirligining “Axborot va buxgalteriya markazi” AJning CarGoRuqsat onlayn bronlash xizmati mutaxassislari tomonidan yaratilgan va yuritiladi.
“To‘rtta nazorat-o‘tkazish punktidan ikkitasi Xitoy bilan chegarada joylashgan. U ‘Baxti’da 15-fevraldan va ‘Maykapchagay’ punktida 20-fevraldan ishga tushadi. Avvalroq Qozog‘iston-Xitoy chegarasida ‘Do‘stlik’ va ‘Nur-Joli’ nazorat-o‘tkazish punktlarida elektron navbat joriy qilingandi.
Qolgan ikkita nazorat punkti mamlakat janubi-g‘arbiy qismida joylashgan, xususan ‘Temir-Baba’ nazorat punkti 22-fevraldan va ‘Tajen’ 27-fevraldan ishga tushadi. Ikkala nazorat-o‘tkazish punkti ham Mangistov viloyatida joylashgan. Birinchisi Turkmaniston bilan chegarada, ikkinchisi O‘zbekiston bilan o‘rnatiladi”, — deya tushuntirdi Davlat daromadlari qo‘mitasi.
Bugungi kunda tizimdan 7,5 mingga yaqin foydalanuvchi ro‘yxatdan o‘tgan bo‘lib, ular 84 ming navbatni bron qilish amaliyotini olib borgan. Elektron navbat xizmatiga Face ID, ya’ni yuzni skanerlash tizimi qo;shilishi kutilmoqda. Shuningdek, chet el fuqarolari uchun bank kartasi orqali shaxsni tasdiqlash imkoniyatini ishga tushirish rejalashtirilgan.
Elektron navbatning vazifasi nimadan iborat?
CarGoRuqsat elektron navbat xizmatining vazifasi tashuvchilarga navbatni oldindan bron qilish imkoniyatini beradi. Birinchidan, bu chegaradan yuk mashinalari o‘tishi jarayonini tezlashtiradi. Sababi bron qilish bosqichida yuk tashuvchilar format-mantiqiy nazoratdan o’tadi. Tizim arizachining soliqdan qarzi borligi, pullik yo‘llarni tekshiradi. Xizmatning ikkinchi vazifasi chegaradagi navbatni noqonuniy manipulyatsiya qilish xavfini kamaytirishdan iborat.
Izoh (0)