Turkiyadagi zilzilalar mamlakat iqtisodiyotiga 84 milliard dollar yoki yalpi ichki mahsulotning qariyb 10 foizi miqdorida zarar yetkazdi. Bu haqda Bloomberg agentligi Tadbirkorlar konfederatsiyasi va respublika ishbilarmon doiralari vakillarining hisob-kitoblariga asoslanib xabar bermoqda.
Ishbilarmonlar guruhi ma’lumotlariga ko‘ra, Turkiyada turar joy binolariga yetkazilgan zarar 70,8 milliard dollarni tashkil etgan.
Zilzilalar oqibatlari ham mamlakat budjeti daromadlarining 10,4 milliard dollarga kamayishiga olib keladi, mehnat yo‘qotishlari esa Turkiya iqtisodiyotiga 2,9 milliard dollarga tushadi.
Bloomberg materialida qayd etilishicha, konfederatsiya baholari boshqa iqtisodchilarnikidan yuqori. Ko‘pchilik ekspertlar ham hozir falokatning yakuniy oqibatlari haqida gapirishga erta ekaniga qo‘shiladi.
8-fevral kuni Turkiyadagi NTV nashri turk birjasi vayronkor zilzilalardan so‘ng turk shirkatlari aksiyalarini vahima qo‘zg‘ashning oldini olish uchun 24 yil ichida birinchi marta savdolarni 14 fevral oqshomiga qadar to‘xtatgan edi.
Turkiya hukumati qoshidagi Tabiiy ofatlarni boshqarish va oldini olish boshqarmasi (AFAD) maʼlumotlariga ko‘ra, 6-fevral kuni Turkiyada bir nechta vayronkor zilzila sodir bo‘ldi, keyin esa 1 891 ta yer silkinishi kuzatildi.
12-fevral kuni Turkiya Favqulodda vaziyatlar boshqarmasi mamlakatdagi zilzila qurbonlari soni 29 605 nafarga yetganini ma’lum qildi.
Izoh (0)