Туркиядаги зилзилалар мамлакат иқтисодиётига 84 миллиард доллар ёки ялпи ички маҳсулотнинг қарийб 10 фоизи миқдорида зарар етказди. Бу ҳақда Bloomberg агентлиги Тадбиркорлар конфедерацияси ва республика ишбилармон доиралари вакилларининг ҳисоб-китобларига асосланиб хабар бермоқда.
Ишбилармонлар гуруҳи маълумотларига кўра, Туркияда турар жой биноларига етказилган зарар 70,8 миллиард долларни ташкил этган.
Зилзилалар оқибатлари ҳам мамлакат бюджети даромадларининг 10,4 миллиард долларга камайишига олиб келади, меҳнат йўқотишлари эса Туркия иқтисодиётига 2,9 миллиард долларга тушади.
Bloomberg материалида қайд этилишича, конфедерация баҳолари бошқа иқтисодчиларникидан юқори. Кўпчилик экспертлар ҳам ҳозир фалокатнинг якуний оқибатлари ҳақида гапиришга эрта эканига қўшилади.
8 февраль куни Туркиядаги NTV нашри турк биржаси вайронкор зилзилалардан сўнг турк ширкатлари акцияларини ваҳима қўзғашнинг олдини олиш учун 24 йил ичида биринчи марта савдоларни 14 февраль оқшомига қадар тўхтатган эди.
Туркия ҳукумати қошидаги Табиий офатларни бошқариш ва олдини олиш бошқармаси (AFAD) маълумотларига кўра, 6 февраль куни Туркияда бир нечта вайронкор зилзила содир бўлди, кейин эса 1 891 та ер силкиниши кузатилди.
12 февраль куни Туркия Фавқулодда вазиятлар бошқармаси мамлакатдаги зилзила қурбонлари сони 29 605 нафарга етганини маълум қилди.
Изоҳ (0)