Наманган вилояти ҳокими Шавкат Абдураззақов сектор раҳбарлари билан бирга Норин туманига борди ва Туркияда вафот этган Барчиной Мирзаева хонадонида бўлди. Бу ҳақда “Дарё” мухбири Азизбек Абдувалиев хабар бермоқда.
Марҳуманинг яқинларидан хол-аҳвол сўралди. Ўтганлар руҳига Қуръон тиловат қилиниб, дуога қўл очилди.
45 яшар Барчиной Мирзаева Шонлиурфадаги зилзиладан омон чиққан, аммо фалокат манзараларига юраги дош бермай, вафот этганди. У 18 яшар талаба қизини ёлғиз вояга етказаётган эди.
Марҳуманинг дафн маросими бугун, 13 февраль куни ўзи яшаган “Боёвул” маҳалласида бўлиб ўтди.
Изоҳ (0)