“Daryo” nashri 9-fevralda O‘zbekiston va jahonda sodir bo‘lgan eng muhim voqealarni e‘tiboringizga havola etadi.
Rossiyaga ko‘p martalik ilg‘or dronlar yetkazilgan, hujum zarbalari yangi ko‘rinishga kirmoqda
2022-yilda Eron yashirin ravishda Rossiyaga uzoq masofaga uchuvchi jangovar dronlar partiyasini topshirgan deb yozmoqdaThe Guardian manbalariga tayanib.
Nashrning yozishicha, Moskva va Tehron o‘rtasidagi kelishuv noyabr oyida tuzilgan. O‘shanda Rossiya delegatsiyasi oltita Mohajer-6, shuningdek, 12 ta Shahed 191 va 129 dronlarining yetkazib berilishiga kelishgan.
Eron Rossiyaga ilgari bergan kamikadze dronlardan farqli o‘laroq, bu dronlar ko‘p marta foydalanish uchun mo‘ljallangan –ya'ni... zarba berganidan so‘ng ular bazaga qaytib keladi.
Gazetaning aniqlik kiritishicha, Rossiya yanada ilg‘orroq uchuvchisiz uchoqlarni olishdan manfaatdor, chunki Ukraina Qurolli kuchlari Shahed kamikadze dronlarini urib tushirishni allaqachon o‘rgandi.
Aniqlik kiritilishicha, dronlar Rossiyaga ikki yo‘nalish bo‘yicha yetkazilgan — ularning bir qismi Eron kemasi orqali Kaspiy dengizidagi Rossiya harbiy-dengiz floti kemasiga o'tkazilgan bo'lsa, qolganlari Eron davlat aviakompaniyasi tomonidan yetkazib berilgan.
Eron dronlari bilan birga Rossiya harbiylariga 54 nafar instruktorlar ham jo‘natilgan.
The Guardian nashrining xabariga ko‘ra, Rossiyaga yetkazib berilgan uchoqlar aviazarbaga uchragan Isfaxon zavodida ishlab chiqarilgan. Bu kelgusida ham Rossiyaga dronlar yetkazib berilishini shubha ostiga qo‘yadi, chunki zarba oqibatida zavod jiddiy zarar ko‘rgan bo‘lishi mumkin, deb yozmoqda nashr.
Yaponiya harbiylari Turkiyani zilziladan himoyalanishga o‘rgata oladimi?
TBS xabariga ko'ra Yaponiyaning o‘zini-o‘zi mudofaa qilish kuchlari jangchilari zilziladan jabr ko‘rgan Turkiyaga yordam berish uchun 13-fevral kuni hukumat samolyotida uchib ketdi.
Qayd etilishicha, Turkiyaga jami 120 ga yaqin harbiy xizmatchi yuborilishi kutilmoqda. Yaponiya Mudofaa vazirligi Turkiyada tabiiy ofat oqibatlarini bartaraf etish uchun zarur bo‘lgan ma’lumotlarni yig‘ish va tahlil qilish punktini tashkil etgan.
Yaponiya o‘zini-o‘zi mudofaa kuchlari tegishli tajribaga ega – o‘z vatanida yapon harbiy xizmatchilari zilzilalar, ko‘chkilar, tayfunlar va toshqinlardan keyin muntazam ravishda qutqaruv ishlarini olib boradi.
Zilziladan so'ng Yaponiya tomonidan Turkiya va Suriyaga insonparvarlik yordami yuborilmoqda.
30 yillik chegaralarning ochilishi va iqtisodiy tanglik, turk xalqini nimalar kutmoqda?
Turkiyadagi vaziyatni kuzatadigan bo‘lsak, zilzila oqibatida 30 yillik chegaralar ochildi.
11-fevral kuni ertalab Armanistondan gumanitar yordam ortilgan beshta yuk mashinasi 1993-yildan beri yopiq bo‘lgan Armaniston—Turkiya chegarasini kesib o‘tdi.
Ushbu o‘tish joyidan oxirgi marta' 1988-yilda Armanistonda 25 ming kishining hayotiga zomin bo‘lgan zilziladan keyin insonparvarlik yordamini yetkazishda foydalanilgan.
O‘z navbatida, Anqaraning arman-turk muzokaralaridagi maxsus vakili Serdar Qilich armanistonlik hamkasblari va Armaniston xalqiga yordam uchun minnatdorlik bildirdi.
Ammo tabiiy ofat Turkiya iqtisodiyotiga 84 mlrd dollardan oshiq zarar olib kelgan va bu faqatgina hozirgacha bo‘lgan vaqtdagi ko‘rsatkich.
Zarar qiymati ayni paytda mamlakat yalpi ichki mahsulotining 10 foizi miqdorida. Biroq ko'pchilik ekspertlar hozir falokatning yakuniy oqibatlari haqida gapirishga erta ekaniga qo'shiladi.
O‘zbekistonda qor ko’chishi xavfi sabab 1 haftalik ogohlantirish e’lon qilindi
O‘zbekistonning tog‘li hududlarida kelasi hafta boshigacha qor ko‘chish xavfi e’lon qilindi. Fuqarolarni ehtiyot choralarini ko'rishga chaqiramiz.
“O‘zgidromet” qayd etishicha, 14—20-fevral kunlari kutilayotgan yog‘ingarchilik sababli respublikaning quyidagi tog‘li hududlarida qor ko‘chish xavfi e’lon qilindi:
- Qashqadaryo viloyati: Kitob, Shahrisabz tumanlarida;
- Surxondaryo viloyati: Sariosiyo, Boysun tumanlarida;
- Samarqand viloyati: Samarqand, Urgut tumanlarida;
- Jizzax viloyati: Zomin, Baxmal tumanlarida;
- Toshkent viloyati: Parkent, Ohangaron, Bo‘stonliq tumanlarida va Chotqol tizmasining “Chimyon” tog‘larida;
- Namangan viloyati: Pop tumanida;
- Farg‘ona viloyati: So‘x, Farg‘ona tumanlarida.
Shuningdek, 16—18-fevral kunlari A-373 Toshkent—O‘sh avtoyo‘lining Qamchiq dovonidan o‘tgan qismida qor yog‘ishi, kuchli yog‘ingarchilik bo'lishi, ko‘rinuvchanlik 50 metrgacha pasayishi va avtoyo‘lda yaxmalak, qor uyumlari yuzaga kelishi mumkin.
Izoh (0)