“Дарё” нашри 9 февралда Ўзбекистон ва жаҳонда содир бўлган энг муҳим воқеаларни эътиборингизга ҳавола этади.
Россияга кўп марталик илғор дронлар етказилган, ҳужум зарбалари янги кўринишга кирмоқда
2022 йилда Эрон яширин равишда Россияга узоқ масофага учувчи жанговар дронлар партиясини топширган деб ёзмоқдаThe Guardian манбаларига таяниб.
Нашрнинг ёзишича, Москва ва Теҳрон ўртасидаги келишув ноябрь ойида тузилган. Ўшанда Россия делегацияси олтита Mohajer-6, шунингдек, 12 та Shahed 191 ва 129 дронларининг етказиб берилишига келишган.
Эрон Россияга илгари берган камикадзе дронлардан фарқли ўлароқ, бу дронлар кўп марта фойдаланиш учун мўлжалланган –яъни... зарба берганидан сўнг улар базага қайтиб келади.
Газетанинг аниқлик киритишича, Россия янада илғорроқ учувчисиз учоқларни олишдан манфаатдор, чунки Украина Қуролли кучлари Shahed камикадзе дронларини уриб туширишни аллақачон ўрганди.
Аниқлик киритилишича, дронлар Россияга икки йўналиш бўйича етказилган — уларнинг бир қисми Эрон кемаси орқали Каспий денгизидаги Россия ҳарбий-денгиз флоти кемасига ўтказилган бўлса, қолганлари Эрон давлат авиакомпанияси томонидан етказиб берилган.
Эрон дронлари билан бирга Россия ҳарбийларига 54 нафар инструкторлар ҳам жўнатилган.
The Guardian нашрининг хабарига кўра, Россияга етказиб берилган учоқлар авиазарбага учраган Исфахон заводида ишлаб чиқарилган. Бу келгусида ҳам Россияга дронлар етказиб берилишини шубҳа остига қўяди, чунки зарба оқибатида завод жиддий зарар кўрган бўлиши мумкин, деб ёзмоқда нашр.
Япония ҳарбийлари Туркияни зилзиладан ҳимояланишга ўргата оладими?
TBS хабарига кўра Япониянинг ўзини-ўзи мудофаа қилиш кучлари жангчилари зилзиладан жабр кўрган Туркияга ёрдам бериш учун 13 февраль куни ҳукумат самолётида учиб кетди.
Қайд этилишича, Туркияга жами 120 га яқин ҳарбий хизматчи юборилиши кутилмоқда. Япония Мудофаа вазирлиги Туркияда табиий офат оқибатларини бартараф этиш учун зарур бўлган маълумотларни йиғиш ва таҳлил қилиш пунктини ташкил этган.
Япония ўзини-ўзи мудофаа кучлари тегишли тажрибага эга – ўз ватанида япон ҳарбий хизматчилари зилзилалар, кўчкилар, тайфунлар ва тошқинлардан кейин мунтазам равишда қутқарув ишларини олиб боради.
Зилзиладан сўнг Япония томонидан Туркия ва Сурияга инсонпарварлик ёрдами юборилмоқда.
30 йиллик чегараларнинг очилиши ва иқтисодий танглик, турк халқини нималар кутмоқда?
Туркиядаги вазиятни кузатадиган бўлсак, зилзила оқибатида 30 йиллик чегаралар очилди.
11 февраль куни эрталаб Арманистондан гуманитар ёрдам ортилган бешта юк машинаси 1993 йилдан бери ёпиқ бўлган Арманистон—Туркия чегарасини кесиб ўтди.
Ушбу ўтиш жойидан охирги мартаъ 1988 йилда Арманистонда 25 минг кишининг ҳаётига зомин бўлган зилзиладан кейин инсонпарварлик ёрдамини етказишда фойдаланилган.
Ўз навбатида, Анқаранинг арман-турк музокараларидаги махсус вакили Сердар Қилич арманистонлик ҳамкасблари ва Арманистон халқига ёрдам учун миннатдорлик билдирди.
Аммо табиий офат Туркия иқтисодиётига 84 млрд доллардан ошиқ зарар олиб келган ва бу фақатгина ҳозиргача бўлган вақтдаги кўрсаткич.
Зарар қиймати айни пайтда мамлакат ялпи ички маҳсулотининг 10 фоизи миқдорида. Бироқ кўпчилик экспертлар ҳозир фалокатнинг якуний оқибатлари ҳақида гапиришга эрта эканига қўшилади.
Ўзбекистонда қор кўчиши хавфи сабаб 1 ҳафталик огоҳлантириш эълон қилинди
Ўзбекистоннинг тоғли ҳудудларида келаси ҳафта бошигача қор кўчиш хавфи эълон қилинди. Фуқароларни эҳтиёт чораларини кўришга чақирамиз.
“Ўзгидромет” қайд этишича, 14—20 февраль кунлари кутилаётган ёғингарчилик сабабли республиканинг қуйидаги тоғли ҳудудларида қор кўчиш хавфи эълон қилинди:
- Қашқадарё вилояти: Китоб, Шаҳрисабз туманларида;
- Сурхондарё вилояти: Сариосиё, Бойсун туманларида;
- Самарқанд вилояти: Самарқанд, Ургут туманларида;
- Жиззах вилояти: Зомин, Бахмал туманларида;
- Тошкент вилояти: Паркент, Оҳангарон, Бўстонлиқ туманларида ва Чотқол тизмасининг “Чимён” тоғларида;
- Наманган вилояти: Pop туманида;
- Фарғона вилояти: Сўх, Фарғона туманларида.
Шунингдек, 16—18 февраль кунлари А-373 Тошкент—Ўш автойўлининг Қамчиқ довонидан ўтган қисмида қор ёғиши, кучли ёғингарчилик бўлиши, кўринувчанлик 50 метргача пасайиши ва автойўлда яхмалак, қор уюмлари юзага келиши мумкин.
Изоҳ (0)