Peruning La-Konvenson provinsiyasida joylashgan Natividad shahrida yetti nafar politsiyachi pistirmaga uchrab halok bo‘ldi, deb xabar bermoqda milliy politsiya. Bir nafar huquq-tartibot xodimi tirik qolgan.
“Natividad shahar markazida politsiya mashinasida ketayotgan paytda pistirmaga uchragan politsiyachi birodarlarimiz halok bo‘lganidan qayg‘udamiz”, — deyiladi bayonotda.
RPP manbalariga ko'ra, hujum 11-fevral kuni Apurimak, Ene va Mantaro daryolari o‘tgan vodiy hududida sodir bo‘lgan. Hodisada ushbu hududlarni nazorat qiladigan “Yorqin yo‘l” terrorchilik guruhi gumon qilinmoqda, deb yozadi gazeta. Armiya va politsiya hujum holatlarini o‘rganmoqda.
“Yorqin yo‘l” 1980-yildan buyon mamlakat hukumatiga qarshi partizanlar urushini olib bormoqda. Bu tashkilot Peruda, shuningdek, AQSH, Kanada va Yevropa Ittifoqida terrorchi tashkilot deb tan olingan.
Izoh (0)