Перунинг La-Konvenson провинциясида жойлашган Нативидад шаҳрида етти нафар полициячи пистирмага учраб ҳалок бўлди, деб хабар бермоқда миллий полиция. Бир нафар ҳуқуқ-тартибот ходими тирик қолган.
“Нативидад шаҳар марказида полиция машинасида кетаётган пайтда пистирмага учраган полициячи биродарларимиз ҳалок бўлганидан қайғудамиз”, — дейилади баёнотда.
RRR манбаларига кўра, ҳужум 11 февраль куни Апуримак, Эне ва Мантаро дарёлари ўтган водий ҳудудида содир бўлган. Ҳодисада ушбу ҳудудларни назорат қиладиган “Ёрқин йўл” террорчилик гуруҳи гумон қилинмоқда, деб ёзади газета. Армия ва полиция ҳужум ҳолатларини ўрганмоқда.
“Ёрқин йўл” 1980 йилдан буён мамлакат ҳукуматига қарши партизанлар урушини олиб бормоқда. Бу ташкилот Перуда, шунингдек, АҚШ, Канада ва Европа Иттифоқида террорчи ташкилот деб тан олинган.
Изоҳ (0)