Moldova Mudofaa vazirligi 10-fevral kuni Rossiya raketasi mamlakat hududidan o‘tganini ma’lum qildi. Bu haqda Mudofaa vazirligi matbuot xizmati ma’lum qildi.
Rossiya raketasi soat 10:18 da Moldova hududi bo‘lgan Pridnestrdagi Mokra aholi punktini kesib o‘tgan. Moldova Tashqi ishlar va Yevropa integratsiyasi vazirligi mamlakat havo hududining buzilishi sababli Rossiya elchisini TIVga chaqirtirgan. Tashqi ishlar vaziri Niku Popesku Rossiyaning Kishinyovdagi elchisi Oleg Vasnetsovni zudlik bilan TIVga chaqirib, Rossiya tomoniga Moldova havo hududini buzgani to‘g‘risida ko‘rsatma berishni buyurgan.
Moldova Rossiya tomoni Ukrainaga qarshi agressiv urushni davom ettirayotgani, Ukrainaga raketa hujumlari Moldova fuqarolariga bevosita va salbiy ta’sir ko‘rsatayotganini ta’kidlagan.
Ruminiya Mudofaa vazirligi esa Rossiya raketalari uning havo hududini buzganini rad etgan.
“Rossiya raketasi Ruminiya havo hududi ustidan uchishi kerak bo‘lgani haqidagi ma’lumot tasdiqlanmadi. Tez orada bu holat bo‘yicha rasmiy ma’lumot bilan qaytamiz. Iltimos, tasdiqlanmagan ma’lumotni tarqatmang”, — dedi Ruminiya Mudofaa vazirligi rasmiysi Konstantin Spinu.
Mavzuga doir: Rossiya qiruvchi samolyotlarini havoga ko‘tardi: Ukraina bo‘ylab havo hujumidan ogohlantirish e’lon qilindi
Izoh (0)