Молдова Мудофаа вазирлиги 10 февраль куни Россия ракетаси мамлакат ҳудудидан ўтганини маълум қилди. Бу ҳақда Мудофаа вазирлиги матбуот хизмати маълум қилди.
Россия ракетаси соат 10:18 да Молдова ҳудуди бўлган Приднестрдаги Мокра аҳоли пунктини кесиб ўтган. Молдова Ташқи ишлар ва Европа интеграцияси вазирлиги мамлакат ҳаво ҳудудининг бузилиши сабабли Россия элчисини ТИВга чақиртирган. Ташқи ишлар вазири Нику Popэску Россиянинг Кишинёвдаги элчиси Олег Васнецовни зудлик билан ТИВга чақириб, Россия томонига Молдова ҳаво ҳудудини бузгани тўғрисида кўрсатма беришни буюрган.
Молдова Россия томони Украинага қарши агрессив урушни давом эттираётгани, Украинага ракета ҳужумлари Молдова фуқароларига бевосита ва салбий таъсир кўрсатаётганини таъкидлаган.
Руминия Мудофаа вазирлиги эса Россия ракеталари унинг ҳаво ҳудудини бузганини рад этган.
“Россия ракетаси Руминия ҳаво ҳудуди устидан учиши керак бўлгани ҳақидаги маълумот тасдиқланмади. Тез орада бу ҳолат бўйича расмий маълумот билан қайтамиз. Илтимос, тасдиқланмаган маълумотни тарқатманг”, — деди Руминия Мудофаа вазирлиги расмийси Константин Спину.
Мавзуга доир: Россия қирувчи самолётларини ҳавога кўтарди: Украина бўйлаб ҳаво ҳужумидан огоҳлантириш эълон қилинди
Изоҳ (0)