Туркия президенти Ражаб Тоййиб Эрдўғон мамлакатда зилзила оқибатида ҳалок бўлганлар сони 16 546 кишига етганини маълум қилди. Туркия ва Сурияда жами қурбонлар сони 19 738 нафарга етди. Бу ҳақда The Guardian хабар берди.
Сурия расмийлари аввалроқ ҳукумат назоратидаги ҳудудларда ҳалок бўлганлар сони 1262 кишини ташкил этганини, мухолифат гуруҳи эса мамлакат шимоли-ғарбида назорати остидаги ҳудудларда 1930 киши ҳалок бўлганини маълум қилган. Ҳукумат назоратидаги ва исёнчилар назоратидаги Сурияда жами 5158 киши жароҳатланган. Сўнгги маълумотларга кўра, Туркияда 66 132 киши жароҳат олган.
Мутахассисларнинг айтишича, яқин кунларда ҳалок бўлганлар ва яраланганлар сони ортишда давом этади. Одамлар учинчи кечадир вайроналар остида қолмоқда, зарар кўрган ҳудудларда ҳаво ҳарорати нолдан паст. Қолаверса, тирик қолганлар уй-жойларини йўқотиб, кўчада тунаб қолган.
Мавзуга доир:
- Туркияда яна бир кучли зилзила юз бериши кутилмоқда
- Туркиядаги шаҳарларнинг зилзиладан олдинги ва кейинги кўриниши — фото
- Туркия ва Суриядаги кучли зилзила: Вайроналар остидан одамлар қидирилмоқда — фоторепортаж
- Туркия ва Суриядаги зилзила нега ҳалокатли оқибатларга олиб келди?
- Охирги 100 йил ичида содир бўлган дунёдаги энг кучли 10 та зилзила (видео, фото)
Изоҳ (0)