NATO bosh kotibi Putinning urushda g‘alaba qozonishi oqibatidan ogohlantirdi

Rossiyaning Ukrainaga qarshi urushda g‘alaba qozonishi NATO uchun tahdid bo‘ladi. Bu haqda NATO bosh kotibi Yens Stoltenbergning nutqiga tayanib, UNIAN xabar berdi.

Stoltenberg Pentagon rahbari Lloyd Ostin bilan o‘tkazilgan matbuot anjumanida bu haqda gapirgan. U agar Rossiya prezidenti Vladimir Putin Ukrainani mag‘lub eta olsa, bu ukrainaliklar uchun fojia va NATO uchun xavf tug‘dirishini ta’kidlagan. Siyosatchi Putinning g‘alabasi boshqa avtoritar rejimlarga o‘z maqsadlariga harbiy yo‘l bilan erisha olishlari haqida signal bo‘lishini aytgan.

“Bu dunyoni yanada xavfli va himoyasiz holga keltiradi. Ukrainaning Yevropada mustaqil davlat sifatida g‘alaba qozonishi va ustunligini ta’minlash bizning xavfsizlik manfaatlariga mos keladi”, — dedi NATO bosh kotibi.

Shu bilan birga, u Yevropada sodir bo‘layotgan voqealar Osiyo uchun ham muhim ekanini, shuning uchun Xitoyning harbiy kuchiga sarmoya kiritishiga e’tibor qaratish kerakligini xulosa qildi.

Mavzuga doir:

• “Putin urushda g‘alaba qozonishiga ishonar ekan, muzokaralar stoliga o‘tirmaydi” — Stoltenberg
• NATO rahbari Ukrainaga tanklar yetkazib berish muhimligi sababini tushuntirdi
• NATO Ukrainadagi urushdan keyin ham Rossiya bilan munosabatlarni normallashtirishni istisno qildi