Turkiya va Suriyadagi kuchli zilzila: Vayronalar ostidan odamlar qidirilmoqda — fotoreportaj

Turkiya sharqida va qo‘shni Suriyada sodir bo‘lgan 7,8 magnitudali zilzila natijasida qutqaruvchilar vayronalar ostida qolib ketganlarni qidirmoqda. Ikkala davlatda kamida 5 000 kishi tabiiy ofat qurboni bo‘ldi.

Dunyo bo‘ylab 70 ga yaqin davlatlar qutqaruv ishlariga yordam berish uchun yordam guruhlarni jo‘natdi, ammo sovuq havo harorati va 200 ga yaqin silkinishlar ularning qutqaruv operasiyasiga to‘sqinlik qilmoqda. Zilzila episentrining janubi-g‘arbidagi Hatay viloyati bo‘ylab rasmiylarning aytishicha, 1500 ga yaqin bino vayron bo‘lgan va ko‘plab odamlar yaqinlarining vayronalar ostida qolib ketgani haqida xabar bergan, yordam yoki qutqaruv guruhlari yetib kelmagan.

Zilzila o‘chog‘idan 33 kilometr uzoqlikda joylashgan Turkiyaning Gaziantep shahrida odamlar savdo markazlari, stadionlar, masjidlar va jamoat markazlaridan boshpana topdi. O‘zbekiston Turkiyadagi zilzila oqibatlarini bartaraf etish uchun gumanitar yordam va FVV qutqaruvchilarini jo‘natdi.

AQSH Geologik xizmati 6-fevral kungi zilzilani 7,8 ball, chuqurligini esa 18 kilometr deb hisoblagan. Zilzila yuz berganidan bir necha soat o‘tgach, yana bir zilzila 100 kilometrdan uzoqroqda yuz bergan, 7,6 magnitudali zilzila sodir bo‘lgan. Suriyaning Halab va Hama shaharlaridan Turkiyaning Diyorbakir shahrigacha keng hududda minglab binolar qulagan.

Mavzuga doir:

• Turkiya va Suriyadagi zilzila nega halokatli oqibatlarga olib keldi?
• Oxirgi 100 yil ichida sodir bo‘lgan dunyodagi eng kuchli 10 ta zilzila (video+foto)