Germaniya mudofaa vaziri Boris Pistorius Rossiya prezidenti Vladimir Putinsiz dunyo yaxshiroq bo‘lishini aytdi. U bu haqda Bild nashriga bergan intervyusida gapirdi.
Jurnalist mudofaa vaziridan Rossiya prezidentisiz dunyo qanday bo‘lishi haqida so‘radi.
“Hech ikkilanmasdan va murosasiz, Putinsiz dunyo yaxshiroq bo‘lardi”, — dedi Germaniya Mudofaa vazirligi rahbari.
Pistorius ayrim rossiyalik targ‘ibotchilarning “Germaniyaga yadroviy zarba berish” haqidagi bayonotlariga izoh berar ekan, bu qo‘rquv uyg‘otmasligini aytdi.
“Birinchidan bu Rossiya ichkarida sodir bo‘layotgan narsa, ikkinchidan bu tashviqot. Axir hech birimiz Putin nima qilayotganini bilmaymiz, ammo bu ittifoqchilarimiz bilan birgalikda oqilona yordam ko‘rsatishimizga to‘sqinlik qilmasligi kerak”, — dedi u.
Germaniya mudofaa vaziri Ukrainaning Qrim, Donetsk va Luganskni qaytarib olishi ehtimolini ham baholadi.
“Ukraina aql bovar qilmaydigan darajada jasorat bilan kurashmoqda. Ularning zo‘r askarlari bor. Biz Ukrainani qo‘limizdan kelgancha qo‘llab-quvvatlashda davom etishimiz zarur”, — deya qo‘shimcha qildi u.
Mavzuga doir:
Izoh (0)