Turkiyada zilzila oqibatida halok bo‘lganlar soni 7 108 kishiga yetdi, yana 40 910 kishi jarohatlangan, deb xabar bermoqda Turkiya Favqulodda vaziyatlar boshqarmasi.
Voqea joyida 100 mingga yaqin qutqaruvchi ishlamoqda. Ular orasida ko‘ngillilar va boshqa mamlakatlardan, jumladan O‘zbekistondan kelgan bir necha ming mutaxassislar ham bor.
Suriyada esa qurbonlar soni 2 500 kishidan oshdi, deb yozmoqda Reuters. Shuningdek, 4 500 dan ortiq kishi turli jarohatlar olgan.
6-fevral kuni Turkiyada mamlakat tarixidagi eng kuchli zilzilalardan biri sodir bo‘ldi va bu zilzila qo‘shni Suriyaga ham ta’sir ko‘rsatdi. 8-fevral holatiga ko‘ra, seysmologlar deyarli 650 ta yer silkinishini qayd etgan, ularning eng kuchlisi 7,6 magnitudali bo‘ldi.
Izoh (0)