Rossiya prezidenti Vladimir Putin bir necha bor o‘z oldiga yuksak maqsadlar qo‘ygan, hukumati va harbiylarini ularga erishishga chaqirgan, ammo uzoq davom etadigan urush talab qiladigan qarorlarni qabul qilishdan uzoqlashgan, deya xabar berdi Amerikaning urushni tadqiq qilish instituti (ISW).
Tahlilchilarga ko‘ra, Rossiya hukumati keng ko‘lamli harbiy islohotlarni kech amalga oshirmoqda va Ukrainadagi vaziyatni uzoq davom etgan va yirik urush sifatida baholamoqda. Biroq Putinning o‘zi ehtiyotkorlik bilan qaror qabul qilishda davom etmoqda. Kreml ikkinchi safarbarlik to‘lqinini e’lon qilishni kechiktirayotgani, chunki ular jamiyatning reaksiyasidan qo‘rqishi aytilgan.
ISW'da keltirilishicha, Putin urushdagi muvaffaqiyatsizliklari va siyosati uchun aybni o‘z zimmasiga oladigan odamlarga tayanadi. Putinning tavakkal qilishni istamasligi uning haligacha yadroviy kuchayish yoki NATO bilan urushga borish ehtimoli yo‘qligini ko‘rsatadi. Rossiya bunday tahdidlardan faqat Gʻarbni qo‘rqitish uchun foydalangani aytilmoqda.
ISW hisobotida Putin o‘zining ichki status-kvoni qadrlashi va o‘z maqsadlariga erishish uchun xavfli siyosatlardan qochishga harakat qilishi ta’kidlanadi.
“Putin u duch kelgan vaziyatni idrok etishi haqiqatga zid bo‘lsa-da, xavf-xatarlarni bartaraf etishga katta e’tibor beradigan ehtiyotkor odam bo‘lib qolishini ko‘rsatishda davom etmoqda”, — deyiladi ISW bayonotida.
Mavzuga doir:
Izoh (0)