“Nemis tanklari tahdid qilmoqda”: Putin Germaniya Ukrainaga tanklar yuborishiga munosabat bildirdi (video)
Rossiya prezidenti Vladimir Putin Stalingrad jangining 80 yilligiga bag‘ishlangan konsertdagi chiqishida Gʻarb davlatlari Ukrainaga tanklar yuborishiga munosabat bildirdi. Bu haqda “RBK” xabar berdi.
Putin sakson yil avval sodir bo‘lgan voqealarga o‘xshab, Rossiyaga yana nemis tanklari tahdid solayotganini aytdi.
“Jang maydonida Rossiyani mag‘lub etishni kutayotganlar, Rossiya bilan zamonaviy urush ular uchun butunlay boshqacha bo‘lishini tushunmaydi. Biz tanklarimizni ularning chegarasiga yubormaymiz. Javob beradigan narsamiz bor. Zirhli transport vositalaridan foydalanish bilan bu ish tugamaydi. Buni hamma tushunishi kerak”, — dedi prezident.
Putinning Rossiya yana bir bor Gʻarbning kollektiv tajovuzini qaytarishga majburligini aytdi.
“Aql bovar qilmaydi, ammo bu haqiqat: bizga yana bortida xochlar bo‘lgan Germaniyaning Leopard tanklari tahdid qilmoqda”, — dedi u.
Shuningdek, siyosatchi Rossiyaning butun dunyoda, jumladan, Shimoliy Amerika va Yevropada hamon do‘stlari ko‘pligini ta’kidladi.
25-yanvar kuni Germaniya Ukrainaga 14 ta Leopard 2 tanki berishini, shuningdek, boshqa davlatlarga ham nemis tanklarini Kiyevga yetkazishga ruxsat berganini ta’kidladi. Shu kuni AQSH prezidenti Jo Bayden Ukrainaga Abrams tanklarini yetkazib berilishini e’lon qildi.
Mavzuga doir: “10 ta tank nima bo‘ladi?” Qaysi davlatlar Ukrainani tanklar bilan ta’minlaydi?
