Meta korporatsiyasi menejerlar va rahbarlardan kompaniya faoliyatiga ko‘proq hissa qo‘shishni yoki uni tark etishni so‘radi. Bu haqda Bloomberg xabar berdi.
Agentlik ma’lumotlariga ko‘ra, Meta sanoatdagi inqiroz sharoitida o‘z samaradorligini oshirish va xarajatlarni kamaytirishga harakat qilmoqda.
Avvalroq kompaniya o‘z xodimlarining 13 foizini ishdan bo‘shatgan, biroq korporatsiya rahbari Mark Sukerberg hamon Meta “juda sekin ishlayapti” deb hisoblaydi. Shu sababli, u 2023-yilni “samaradorlik yili” deb atadi.
Shuningdek, u o‘rta darajadagi menejerlarni qisqartirishga va samarasiz loyihalardan voz kechishga va’da berdi.
Avvalroq Meta aksiyalari sezilarli darajada qulashi natijasida Sukerbergning boyligi 11 milliard dollarga qisqargani haqida xabar berilgan edi.
Gap shundaki, pandemiya davrida Meta aksiyalari keskin o‘sgan va 2021-yil sentyabrida eng yuqori cho‘qqiga chiqqan. O‘shandan beri aksiyalar 74 foizga arzonlashdi va Facebook asoschisi taxminan 100 milliard dollar yo‘qotdi.
Izoh (0)