AOKAda o‘tkazilgan brifingda Veterinariya va chorvachilikni rivojlantirish qo‘mitasi boshqarma boshlig‘i Alisher Safarov 2022-yili sohada amalga oshirilgan ishlar to‘g‘risida ma’lumot berdi.
Qayd etilishicha, 2022-yilda Veterinariya va chorvachilikni rivojlantirish qo‘mitasi tomonidan dunyo bo‘ylab hayvonlar orasida kelib chiqayotgan kasalliklarning mamlakat hududiga kirib kelishi va tarqalishini oldini olish maqsadida chorva mollarining:
- 35 million 400 ming boshi kuydirgi kasalligiga;
- 19 million 800 ming boshi oqsil kasalligiga;
- 2 million 700 ming boshi qorason kasalligiga;
- 6 million 800 ming boshi nodulyar dermatit kasalligiga;
- 8 million 300 ming boshi hayvonlar chechagi kasalligiga;
- 12 million 300 ming boshi brutsellyoz kasalligiga;
- 1 million 300 ming boshi bradzot kasalligiga;
- 114,0 ming boshi leptospiroz kasalligiga;
- 7 ming 400 bosh tuyalar esa o‘lat kasalligiga;
- 28 ming 200 bosh quyonlar virusli gemorragik isitma kasalligiga;
- 10 million 700 ming bosh parrandalar Nyukasl kasalligiga;
- 2 million 700 ming bosh ro‘yxatga olingan it va mushuklar quturish kasalligiga qarshi profilaktik emlangan.
Shuningdek, 35,5 million bosh chorva mollari ektoparazitlarga qarshi profilaktik ishlov berilib, chorva mollari saqlanadigan 1 million 200 ta bino va inshootlarda dezinfeksiya va dezinseksiya tadbirlari o‘tkazilgan.
Hayvonlarning o‘ta xavfli yuqumli kasalliklarini aniqlash maqsadida qo‘mita tasarrufidagi Respublika hayvonlar kasalliklari tashxisi va oziq-ovqat mahsulotlari xavfsizligi davlat markazi laboratoriyalarida muntazam diagnostik tekshiruvlar olib borilgan. Amalga oshirilgan profilaktik tadbirlar va ko‘rilgan keskin choralar natijasida o‘tgan davr mobaynida mamlakat qishloq xo‘jalik hayvonlari orasida o‘ta xavfli yuqumli kasalliklar kuzatilmagan.
Izoh (0)