O‘zbekistonda 2022-yilda 25 tonna go‘sht, 22 tonna sut mahsulotlari yaroqsiz deb topilib, yo‘q qilindi

AOKAda o‘tkazilgan brifingda Veterinariya va chorvachilikni rivojlantirish qo‘mitasi boshqarma boshlig‘i Alisher Safarov 2022-yili sohada amalga oshirilgan ishlar to‘g‘risida ma’lumot berdi.

Qayd etilishicha, 25,2 tonna go‘sht mahsulotlari va 21,2 tonna sut mahsulotlari iste’molga yaroqsiz deb topilib, o‘rnatilgan tartibda yo‘q qilingan. Chorvachilik va uning tarmoqlarini rivojlantirish uchun umumiy qiymati 9,7 trillion so‘mlik 2 031 ta loyiha amalga oshirilgan. 120 ming nafardan ortiq doimiy va mavsumiy ish o‘rni yaratilgan.

Mazkur loyihalarga xalqaro moliya institutlarining 150 million dollar imtiyozli kreditlari hamda 30 million dollar grant mablag‘lari jalb etilgan,

Aholiga sifatli va xavfsiz go‘sht mahsulotlari yetkazib berish maqsadida tuman va shaharlarda zamonaviy ixtisoslashtirilgan so‘yish korxonalari soni 110 taga yetkazilib, veterinariya-sanitariya jihatidan xavfsizligi kafolatlangan so‘yilgan hayvon go‘shtlarining yagona elektron ma’lumotlar bazasi VIS-Billur tizimi yo‘lga qo‘yilgan.

Davlat veterinariya xizmati tomonidan 120 mlrd so‘mga yaqin pullik veterinariya xizmatlari ko‘rsatilgan.