Бухорода ноқонуний диний таълим бераётган ўқув маркази аниқланди
Бухоро вилояти Пешку туманида болалар ва катталарга ноқонуний диний таълим берган шахслар ушланди. Бу ҳақда вилоят Ички ишлар бошқармаси ахборот хизмати хабар берди.
Қайд этилишича, 31 январь куни фуқаро С.Ш. ва Х.Б.лар “Мисвоҳ” ўқув марказида араб тилини ўргатиш баҳонасида 9 нафар вояга етмаган ёшлар ва 19 та катта ёшдаги шахсларга қонунга хилоф равишда диний таълим бериб келаётгани аниқланган. Бундан ташқари, фуқаро Т.М. “Муслималар” номли виртуал гуруҳ ташкил қилиб, 8 кишига онлайн тарзда диний таълим бераётгани аниқланган.
Ўтказилган суриштирув тадбирлари жараёнида, Т.М. расмий ҳужжатлари бўлмаган ҳолда араб тилини ўргатиш баҳонасида ноқонуний равишда диний таълим бериб келаётгани аниқланган. Жавобгар шахслар томонидан Ўзбекистон Олий суди томонидан фаолияти тақиқланган “Салафийлар” ДЕОнинг ғоявий раҳнамоларидан бири бўлган “Содиқ Самарқандий”нинг маърузаларини ижтимоий тармоқлар орқали тарқатиб келингани ҳам маълум бўлган.
Мавзуга доир:
- Навоийда ноқонуний диний фаолият билан шуғулланиб келган шахс аниқланди
- Фарғонада 20 нафар фуқарога ноқонуний диний таълим бериб келган шахс 15 суткага қамалди
- Тошкентдаги уйида 15 нафар вояга етмаган болаларга ноқонуний равишда диний таълим беришда гумонланган эр-хотин аниқланди
