Toshkentda avtokran qulashi oqibatida mashinist vafot etdi (video)

Toshkent viloyati Parkent tumanida avtokran qulab tushishi oqibatida mashinist vafot etdi. Bu haqda “O‘zbekiston temir yo‘llari” axborot xizmati xabar berdi.

Qayd etilishicha, yangi qurilayotgan yo‘l o‘tkazgich — temir beton balkaning og‘irligi 30,6 tonna bo‘lgan. Yukni bir nechta kranlar bilan ko‘tarish oqibatida baxtsiz hodisa ro‘y bergan.

Kranning og‘ib ketishi oqibatida mashinist tan jarohati olib, xodimlar tomonidan zudlik bilan Parkent tumani shifoxonasiga yotqizilgan. U og‘ir jarohatlar olgani sababli shifoxonada vafot etgan.

Ma’lumotlarga ko‘ra,“Ko‘prikqurilish tresti”ga qarashli “13-Ko‘prikqurilish otryadi” MCHJ bilan shartnoma imzolagan. Ushbu hujjatda buyurtmachi tomonidan xodimlarni kunlik tibbiy ko‘rikdan va mehnat muhofazasi tadbirlarini o‘tkazishi lozim bo‘lgan band alohida ko‘rsatib o‘tilgan.

“QYL-yo‘l ko‘prik qurilish ta’mir” shartnoma bandlariga rioya qilmagani, ya’ni muntazam ravishda xavfsizlik choralarini ko‘rmagani sababli ushbu baxsiz hodisa ro‘y bergan.