O‘zbekiston—Qirg‘iziston davlat rahbarlari va hukumat a’zolari ishtirokida boʻlib o‘tgan kengaytirilgan muzokaralarda Sadir Japarov qirg‘iz-o‘zbek chegarasi delimitatsiyasi haqida gapirdi.
“Bugun biz qirg‘iz-o‘zbek chegarasini delimitatsiya qilishni yakunlayapmiz. Bu haqiqatan ham tarixiy voqea. Biz muloqotga va o‘zaro maqbul yechimlarni izlashga tayyorligimizni namoyish etdik. Ishonchim komilki, chegaralar masalasiga chek qo‘yib, biz kelajak avlodlarimiz kamolotiga mustahkam poydevor qo‘yamiz”, — dedi Sadir Japarov.
Uning ta’kidlashicha, Qirg‘iziston qardosh O‘zbekiston bilan yaxshi qo‘shnichilik ruhidagi hamkorlikni rivojlantirishga alohida e’tibor qaratadi.
“Biz uchun O‘zbekiston haqiqiy do‘st va ishonchli strategik sherikdir. An’anaga ko‘ra, uchrashuv ochiq va do‘stona ruhda oʻtadi. Mamlakatlarimiz o‘rtasida siyosiy qarama-qarshiliklar yo‘q. Ikki mamlakat o‘rtasida parlamentlararo aloqalar izchil rivojlanib, ular davlatlararo munosabatlarda muhim oʻrin tutadi”, — dedi Qirg;iziston prezidenti.
Mavzuga doir: 30 yillik muammo hal bo‘ldi: Mirziyoyev Qirg‘iziston bilan chegara va Andijon suv omboriga oid qonunlarni imzoladi
Izoh (0)