Ukraina prezidenti Vladimir Zelenskiy Rossiya prezidenti Vladimir Putin u uchun hech kim emasligini aytdi. Bu haqda u Sky News’ga bergan intervyusida ma’lum qildi.
“Putin bilan uchrashish ham, gaplashish ham menga qiziqmas. Chunki biz Rossiya bosqinidan oldin Normandiya formatida uchrashganmiz. Men unda bir narsani aytib, boshqasini qiladigan odamni ko‘rdim”, — dedi Zelenskiy.
Ukraina rahbari Rossiyada qarorlarni kim qabul qabul qilishini tushunmasligini ta’kidladi. ”Putin men uchun kim? To‘liq miqyosli bosqindan keyin u men uchun hech kim”, — dedi u va shu tariqa Putin bilan uchrashuv urushni to‘xtatishga yordam beradimi, degan savolga javoban.
Zelenskiy Ukraina armiyasi Rossiya hududida jang qilishni istamasligini ta’kidladi.
“Rossiya urushni to‘xtatib, imkon qadar tezroq mamlakatimizni tark etishini istayman. Sizga aniq ayta olamanki, agar ular bizning hududlarimizni tark etsa, urush to‘xtaydi”, — dedi u.
Siyosatchi Rossiya kuchlari Ukraina sharqida oldinga siljib borayotganini tan oldi. Shu bilan birga, rus qo‘shinlari katta yo‘qotishlarga duchor bo‘lmoqda, dedi u.
“Bu shunchaki dahshatli raqam. Ular bunga ahamiyat bermaydi. Ular halok bo‘lgan askarlarni odamlari deb hisoblamaydi”, — deydi prezident.
U Rossiya urushda Ukrainadan ko‘ra ko‘proq yo‘qotishlarga duch kelgani, qarshi tomonda ”minglab o‘lgan” harbiy xizmatchilar borligini aytdi. Zelenskiy Ukraina tomonining yo‘qotishlarini aytmadi va aniq ma’lumotlarga ega emasligini bildirdi.
Shuningdek, Ukraina prezidenti Rossiya bosqindan oldingi kabi muzokaralarni istamasligiga qayd etdi: “Prezident Putin shunday qaror qildi. U muzokaralarni istamaydi, chunki u tinchlikni istamaydi. Ishonchim komilki, u katta urush olib bormoqda. Butun dunyo hozir Ukrainaga yordam beryapti deb o‘ylamaydi. U ‘xo‘sh, Ukrainada bu ish bermaydi, kutamiz. Dunyo birlikda qolmaydi, ular charchaydi, men esa davom etaman’, deb o‘ylaydi. Ammo Ukrainadan keyin biz chidamasak, boshqa davlatlar ham navbatda bo‘ladi”, — ta’kidladi u.
Izoh (0)