Украина президенти Владимир Зеленский Россия президенти Владимир Путин у учун ҳеч ким эмаслигини айтди. Бу ҳақда у Sky News‘га берган интервьюсида маълум қилди.
“Путин билан учрашиш ҳам, гаплашиш ҳам менга қизиқмас. Чунки биз Россия босқинидан олдин Нормандия форматида учрашганмиз. Мен унда бир нарсани айтиб, бошқасини қиладиган одамни кўрдим”, — деди Зеленский.
Украина раҳбари Россияда қарорларни ким қабул қабул қилишини тушунмаслигини таъкидлади. ”Путин мен учун ким? Тўлиқ миқёсли босқиндан кейин у мен учун ҳеч ким”, — деди у ва шу тариқа Путин билан учрашув урушни тўхтатишга ёрдам берадими, деган саволга жавобан.
Зеленский Украина армияси Россия ҳудудида жанг қилишни истамаслигини таъкидлади.
“Россия урушни тўхтатиб, имкон қадар тезроқ мамлакатимизни тарк этишини истайман. Сизга аниқ айта оламанки, агар улар бизнинг ҳудудларимизни тарк этса, уруш тўхтайди”, — деди у.
Сиёсатчи Россия кучлари Украина шарқида олдинга силжиб бораётганини тан олди. Шу билан бирга, рус қўшинлари катта йўқотишларга дучор бўлмоқда, деди у.
“Бу шунчаки даҳшатли рақам. Улар бунга аҳамият бермайди. Улар ҳалок бўлган аскарларни одамлари деб ҳисобламайди”, — дейди президент.
У Россия урушда Украинадан кўра кўпроқ йўқотишларга дуч келгани, қарши томонда ”минглаб ўлган” ҳарбий хизматчилар борлигини айтди. Зеленский Украина томонининг йўқотишларини айтмади ва аниқ маълумотларга эга эмаслигини билдирди.
Шунингдек, Украина президенти Россия босқиндан олдинги каби музокараларни истамаслигига қайд этди: “Президент Путин шундай қарор қилди. У музокараларни истамайди, чунки у тинчликни истамайди. Ишончим комилки, у катта уруш олиб бормоқда. Бутун дунё ҳозир Украинага ёрдам беряпти деб ўйламайди. У ‘хўш, Украинада бу иш бермайди, кутамиз. Дунё бирликда қолмайди, улар чарчайди, мен эса давом этаман’, деб ўйлайди. Аммо Украинадан кейин биз чидамасак, бошқа давлатлар ҳам навбатда бўлади”, — таъкидлади у.
Изоҳ (0)