Istanbulda Yevropadagi eng tezyurar metro liniyasi ishga tushdi. Yangi metro liniyasi Turkiya megapolisini uning Yevropa qismidagi xalqaro aeroport bilan bog‘laydi, deb xabar bermoqda Anadolu.
Yangi liniya bo‘ylab poyezdlar soatiga 90—120 kilometr tezlikda harakatlanadi va kuniga 800 ming yo‘lovchini tashishga mo‘ljallangan. Yangi metro liniyasi Kyagitxan tumanidan Istanbul aeroportigacha bo‘lgan masofani 24 daqiqagacha bosib o‘tish imkonini beradi.
“Yangi metro liniyasining ishga tushishi Istanbul uchun tarixiy voqea”, — dedi Turkiya prezidenti Rajab Toyyib Erdo‘g‘on 22-yanvar, yakshanba kungi ochilish marosimida.
Uning so‘zlariga ko‘ra, ushbu loyihaning amalga oshirilishi bilan Turkiya butun dunyoga metro qurish masalasida o‘z kuchi va imkoniyatlarini namoyon qildi.
Istanbul xalqaro aeroporti 2019-yilda ish boshlagan. Uning qurilishini to‘liq yakunlash 2025-yilga mo‘ljallangan. Aeroport yiliga 150 millionga yaqin yo‘lovchiga xizmat ko‘rsata oladi.
Izoh (0)