“Daryo” internet-nashri Toshkent shahri hokimligi qoshidagi Jamoatchilik kengashi bilan birgalikda “Mahalla. Muammo. Mulohaza” loyihasini taqdim etib kelmoqda. Loyihaning 15-soni mavzusi “Toshkent: yo‘qotishlar va topishlar” bo‘lib, dastur mehmoni sifatida jurnalist Baxtiyor Nasimov taklif etildi.
— Bir necha yil oldin “O‘zbekneftgaz” vakili bilan intervyu qilgandim, juda zo‘r chiqqan, yaxshi faktlar berilgan. Keyin qo‘ng‘iroq qilib: “Baxtiyor aka, iloji bo‘lsa, shu intervyuni chiqarmang”, degan.
O‘sha intervyuda, bizda topilgan gaz yaqin 30–40 yilga yetadi, deyilgan edi. Lekin bu 30 yildan so‘ng gaz tugaydi, degani emas. Balki, yana topilar. Menimcha, ichki va tashqi bozorni aql bilan muvozanatda ushlab savdo qilinsa, gaz yetishi kerak. Lekin masalan, Buxorodan gaz topiladi, o‘zida gaz yo‘q. Qashqadaryoda ham shunaqa: bir qishloqning oldidan quvur o‘tadi, o‘zlari gazsiz. Buning oxiri yaxshi bo‘lmaydi, shuning uchun muammoning oldini olish kerak, — deydi jurnalist.
Ko‘rsatuvni to‘liq tarzda “Daryo”ning YouTube’dagi sahifasi orqali tomosha qilish mumkin.
Izoh (0)