“Daryo” internet-nashri Toshkent shahri hokimligi qoshidagi Jamoatchilik kengashi bilan birgalikda “Mahalla. Muammo. Mulohaza” loyihasini taqdim etib kelmoqda. Loyihaning 15-soni mavzusi “Toshkent: yo‘qotishlar va topishlar” bo‘lib, dastur mehmoni sifatida jurnalist Baxtiyor Nasimov taklif etildi.
— Toshkent uzog‘i bilan 1 million aholiga mo‘ljallangan shahar edi. Hozir taxminimcha, bu ko‘rsatkich 3 millionga chiqib ketdi. Lekin shahar buncha yuklamaga chidamaydi. Nega “svet” ko‘p o‘chadi? Demak, infratuzilma buncha iste’molga mo‘ljallanmagan. Mablag‘ olib, pul sarflash uchun katta-katta uylar qurib tashlashgan.
Bizda nega tartib yo‘q? Chunki odamlar qonunga emas, odamga bo‘ysunadi. Oddiy misol, svetoforning qizil chirog‘ida o‘tish mumkin emas, lekin kamera, radar bo‘lmasa, hamma qoidani buzadi. Kamera bo‘lsa, qonunga xilof ish qilmaydi, chunki jazo borligini biladi. Shuning uchun bir holatni hech kim yaxshi-yomon deb baholashi emas, qonun ishlashi, normativ bo‘lishi kerak. Elektr energiyasi, suv, kanalizatsiya masalasida ham shunday.— 1–2 yil avval eslasangiz, prezident avval o‘zi hokim bo‘lgan bir tumandagi ko‘p qavatli uyni ko‘rganda “Qanaqasiga bu “dom”ni quryapsizlar? Bu yerga quvurlarni o‘zim qo‘yganman, 80 ta xonadonga chidaydi. Qanday qilib 800 ta xonadonni kiritmoqchisizlar?” — deb tanbeh bergandi. Afsuski, butun Toshkent emas, hamma viloyatlarda uylar shunday qurilyapti, — deydi jurnalist.
Ko‘rsatuvni to‘liq tarzda “Daryo”ning YouTube’dagi sahifasi orqali tomosha qilish mumkin.
Izoh (0)