“Daryo” internet-nashri Toshkent shahri hokimligi qoshidagi Jamoatchilik kengashi bilan birgalikda “Mahalla. Muammo. Mulohaza” loyihasini taqdim etib kelmoqda. Loyihaning 15-soni mavzusi “Toshkent: yo‘qotishlar va topishlar” bo‘lib, dastur mehmoni sifatida jurnalist Baxtiyor Nasimov taklif etildi.
— Avvallari mahalla, mahalladosh, tobutkash, hassakash degan so‘zlar juda qadrli edi. Hozir odamlarning ishonchini qozongan biror mahallani bilmayman. Bormi o‘zi? Qayerda o‘qisam, hamma norozi: nega shuncha mablag‘ ishlatilyapti, nima ish qilinyapti?
Masalan, yetakchi internet nashrlarini muntazam kuzataman, eng ko‘p uchraydigan so‘z — “talon-toroj”. Biror odamga yordam berish kerak bo‘lsa, to‘g‘ridan to‘g‘ri qilish kerak, kimdir orqali emas. Deylik, mahalladan bu ish amalga oshirilsa, ularga turli talon-toroj qilish holatlari uchun imkoniyat tug‘iladi.Yana bir g‘alati narsa “spravka” masalasi edi. Hatto chet elga chiqish uchun mahalla muhri kerak, deyilardi. Keyinchalik ma’lumotnomalarga narx qo‘yila boshlandi. Shukurki, mahallani tubdan kemira boshlagan bu tizim tugatildi, — deydi jurnalist.
Ko‘rsatuvni to‘liq tarzda “Daryo”ning YouTube’dagi sahifasi orqali tomosha qilish mumkin.
Izoh (0)