Armanistondagi harbiy qismlardan birida muhandis-sapyorlik rotasining turar joy hududida yong‘in chiqdi. Oqibatda, dastlabki ma’lumotlarga ko‘ra, 15 nafar harbiy xizmatchi halok bo‘ldi, yana uch nafarining ahvoli og‘ir, deb xabar berdi respublika Mudofaa vazirligi matbuot xizmati.
“Dastlabki ma’lumotlarga ko‘ra, yong‘in oqibatida 15 nafar harbiy xizmatchi halok bo‘ldi, uch nafar harbiy xizmatchining ahvoli og‘ir deb baholanmoqda”, — deyiladi xabarda.
Yong‘in mahalliy vaqt bilan soat 01:30 atrofida (Toshkent vaqti bilan 02:30) Gegarkunik viloyati Azat qishlog‘i hududida joylashgan harbiy qismda sodir bo‘lgan. Uning sabablari noma’lum.
Voqea joyida o‘t o‘chirish ishlari olib borilgan.
Noyabr oyida ham Armanistonning Dilijon shahrida joylashgan harbiy qismlardan birining o‘q otish poligoniga tutash hududda yong‘in sodir bo‘lgandi. Qurbonlar va jarohatlanganlar haqida ma’lumot berilmagan.
Izoh (0)