Арманистондаги ҳарбий қисмлардан бирида муҳандис-сапёрлик ротасининг турар жой ҳудудида ёнғин чиқди. Оқибатда, дастлабки маълумотларга кўра, 15 нафар ҳарбий хизматчи ҳалок бўлди, яна уч нафарининг аҳволи оғир, деб хабар берди республика Мудофаа вазирлиги матбуот хизмати.
«Дастлабки маълумотларга кўра, ёнғин оқибатида 15 нафар ҳарбий хизматчи ҳалок бўлди, уч нафар ҳарбий хизматчининг аҳволи оғир деб баҳоланмоқда», — дейилади хабарда.
Ёнғин маҳаллий вақт билан соат 01:30 атрофида (Тошкент вақти билан 02:30) Гегаркуник вилояти Азат қишлоғи ҳудудида жойлашган ҳарбий қисмда содир бўлган. Унинг сабаблари номаълум.
Воқеа жойида ўт ўчириш ишлари олиб борилган.
Ноябрь ойида ҳам Арманистоннинг Дилижон шаҳрида жойлашган ҳарбий қисмлардан бирининг ўқ отиш полигонига туташ ҳудудда ёнғин содир бўлганди. Қурбонлар ва жароҳатланганлар ҳақида маълумот берилмаган.
Изоҳ (0)