Ҳозирги кунда кино ва телевидениеда гримм ва турли усуллар ёрдамида актёрнинг қиёфасини таниб бўлмас даражада ўзгартира оладиган истеъдодли визажистлар ишлайди. Бироқ баъзи машҳурлар ҳали ҳам образига мослашишни афзал кўришади ва бунинг учун улар озишга, кал бўлишга ёки қошларини қирдиришга ҳам тайёр.
Томас Броди-Сангстер — «Суперқаҳрамоннинг ўлими» (2011)
Суперқаҳрамоннинг ўлими – оғир касал бўлган 15 ёшли Дональд Кларк ҳақидаги драма. Бу образни ўйнаш учун Томас Броди-Сангстер сочини олдириб, қошларини бутунлай қириб ташлайди.
Камерон Диас — «Жон Малкович бўлиш» (1999)
«Ниқоб» (1994) фильмидаги дебютидан кўп ўтмай, Кемерон Диас «Жон Малкович бўлиш» фильмида Лотти Шварц ролини ўйнайди. Фильм учун Диас бутунлай бошқа қиёфага киради — қуюқ жингалак сочлар, жигарранг кўзлар ва минимал даражадаги макияж.
Том Хенкс — «Филаделфия» (1993)
«Филаделфия» ОИТС билан касалланганлиги маълум бўлганидан кейин ишдан бўшатилган адвокат ҳақида. Эндрю Беккет роли учун Хенкс 12 килограмм йўқотади ва бу мукофотланмай қолмайди. Бу роли учун у «Оскар»ни қўлга киритади.
Майкл Фассбендер — «Очлик» (2008)
«Очлик» — ўлимга ҳукм қилинган маҳбуслар ҳақидаги тарихий драма. Бобби Сандс роли учун эса Майкл Фассбендер 16 кг вазн йўқотиши керак эди. «300 спарталик» (2006) фильмида унинг мушакдор гавдасини эслаганлар, айниқса, трансформациядан ҳайратда қолишади.
Эмма Томпсон — «Эпилог» (2001)
Эмма Томпсон том маънода таниб бўлмайдиган даражада ўз қаҳрамонларига қандай айланишни биладиган актрисадир. Бироқ 2001 йилда у туб ўзгаришлар қилишга қарор қилди: актриса «Эпилог» фильмида тухумдон саратони билан касалланган инглиз адабиёти профессори Вивиэн Беринг ролини ўйнаш учун сочини олдириб, қошларини оқартирди.
Хоакин Феникс — «Жокер» (2019)
«Жокер» фильмининг бош қаҳрамонини ўйнаш учун Хоакин Феникс 23 килога озиши керак эди. Вазн йўқотиш пайтида соғлиғини йўқотмаслик учун у ҳатто тиббий ёрдамга ҳам мурожаат қилади.
Зак Эфрон яқинда экранга чиқиши кутилаётган «Темир тирноқ» фильмида
Ушбу фильмда Зак Эфрон собиқ профессионал курашчи Кевин Вон Эрич ролини ижро этади. Картина ҳали суратга олинаётган бўлса-да, Закни аллақачон келишган қомати ва янги соч турмагида кўришган.
«Ифлос рақслар» юлдузи Женнифер Грэйнинг роли учун ўзгариши
Ижтимоий тармоқдаги саҳифасида Женнифер янги фильми — Gwen Shamblin: Starving for Salvation кадрларини жойлаштирди, у бош ролни ўйнаган мазкур фильм ҳали экранларга чиқмаган.
Мавзуга доир:
Изоҳ (0)