Yevropa Ittifoqining ichki bozor bo‘yicha komissari Tyerri Bretonning aytishicha, ittifoq yashil energiya ishlab chiqarish uchun 350 milliard yevrolik uskunalar sotib oladi. Bu Yevropa mamlakatlari umumiy YIMning taxminan 2 foizini tashkil qiladi.
“Umumiy nuqtayi nazardan, Amerika tajribasini hisobga olgan holda, bu jamiyat yalpi ichki mahsulotining taxminan 2 foizini, ya’ni 300—350 milliard yevroni tashkil etadi. Hozir bizda Ukrainadagi urush tufayli jiddiy energetika va sanoat inqirozi bor”, — deydi Yevropa Ittifoqi komissari.
Bretonning ta’kidlashicha, Yevropa Ittifoqi davlatlari resurslarni birlashtirish orqali kuchliroq bo‘ladi.
“Yevropa yashil kelishuv” dasturi 2050-yilga qadar barcha Yevropa Ittifoqi davlatlarining “uglerod neytralligi”ga o‘tishini ko‘zda tutadi.
Buning uchun Yevropa rasmiylari muntazam ravishda oraliq ekologik tashabbuslar bo‘yicha kelishib oladi: iyun oyida Yevropa Ittifoqi hukumatlari 2035-yildan boshlab ichki yonuv dvigatelli yangi avtomobillarni sotishni taqiqlashga kelishib olgandi.
Yevropa Ittifoqining yashil energiyaga jadal o‘tishini faol muhokama qilish Rossiyadan energiya yetkazib berishni to‘xtatish va Yevropada gaz narxining bir necha bor oshishi fonida boshlandi.
2023-yil boshidan buyon Yevropa Ittifoqi energiya bozoridagi vaziyat yaxshilanmoqda.
Izoh (0)