Европа Иттифоқининг ички бозор бўйича комиссари Тьерри Бретоннинг айтишича, иттифоқ яшил энергия ишлаб чиқариш учун 350 миллиард евролик ускуналар сотиб олади. Бу Европа мамлакатлари умумий ЯИМнинг тахминан 2 фоизини ташкил қилади.
«Умумий нуқтаи назардан, Америка тажрибасини ҳисобга олган ҳолда, бу жамият ялпи ички маҳсулотининг тахминан 2 фоизини, яъни 300—350 миллиард еврони ташкил этади. Ҳозир бизда Украинадаги уруш туфайли жиддий энергетика ва саноат инқирози бор», — дейди Европа Иттифоқи комиссари.
Бретоннинг таъкидлашича, Европа Иттифоқи давлатлари ресурсларни бирлаштириш орқали кучлироқ бўлади.
«Европа яшил келишув» дастури 2050 йилга қадар барча Европа Иттифоқи давлатларининг «углерод нейтраллиги»га ўтишини кўзда тутади.
Бунинг учун Европа расмийлари мунтазам равишда оралиқ экологик ташаббуслар бўйича келишиб олади: июнь ойида Европа Иттифоқи ҳукуматлари 2035 йилдан бошлаб ички ёнув двигателли янги автомобилларни сотишни тақиқлашга келишиб олганди.
Европа Иттифоқининг яшил энергияга жадал ўтишини фаол муҳокама қилиш Россиядан энергия етказиб беришни тўхтатиш ва Европада газ нархининг бир неча бор ошиши фонида бошланди.
2023 йил бошидан буён Европа Иттифоқи энергия бозоридаги вазият яхшиланмоқда.
Изоҳ (0)