Iqtisodchilar 2023-yilda AQSHda retsessiya bo‘lishini kutmoqda
Iqtisodchilar inflyatsiyaning pasayish belgilariga qaramay, yuqori foiz stavkalari hamon AQSH iqtisodiyotini retsessiyaga olib kelishini kutishmoqda. Bu haqda The Wall Street Journal xabar bermoqda.
Mutaxassislar AQSH uchun kelgusi o‘n ikki oy ichida retsessiya ehtimolini 61 foiz deb baholamoqda, bu oktabr oyidagi 63 foiz ko‘rsatkichdan unchalik farq qilmaydi.
Dastlab Federal rezerv tizimi (Fed) “yumshoq qo‘nish” deb nomlangan iqtisodiy o‘sishni sekinlashtirish orqali inflyatsiyani susaytirishi mumkin. Biroq respondentlarning to‘rtdan uch qismi Fed 2023-yilda “yumshoq qo‘nish”ga erisha olmasligini aytgan.
Shu bilan birga, inflyatsiya prognozi yaxshilandi. Iqtisodchilar joriy yil oxiriga kelib u 3,1 foizga tushishini kutmoqda, oktabr oyida esa prognoz 3,3 foizni tashkil etgandi.
2024-yil oxiriga kelib inflyatsiya 2,4 foizga tushishi kutilmoqda — bu prognoz avvalgi so‘rov natijalari bilan deyarli bir xil.
Mavzuga doir: Hamma gapirayotgan retsessiya o‘zi nima?
AQSHda inflyatsiya dekabr oyida o‘tgan yilning shu davriga nisbatan 6,5 foizga o‘sdi. Shunga qaramay, narxlar oshishi iyun oyidagi eng yuqori ko‘rsatkich — 9,1 foizga nisbatan sekinlashgan.
Ayrim tahlilchilar tomonidan mustahkam inflyatsiya, qattiqroq moliyaviy sharoit va zaif global o‘sish kombinatsiyasi 2023-yilning birinchi yarmida AQSH iqtisodiyotiga yengillik olib kelishini kutmoqda.
Umuman olganda, 2023-yil oxiriga kelib iqtisodchilar yalpi ichki mahsulot 0,2 foizga oshishini kutmoqda. Oktabr oyida ular o‘sishni 0,4 foiz deb baholagan edi.
Prognozlarga ko‘ra, Amerika kompaniyalari joriy yilning ikkinchi choragidan boshlab xodimlarni qisqartiradi.
Natijada 2023-yilda mamlakat iqtisodiyotida ish o‘rinlari sonining o‘rtacha oylik qisqarishi qariyb 7 mingtani tashkil etadi.
Mutaxassislar Fed bu yil foiz stavkalarini yillik 5 foizga oshirishini kutmoqda, bu uning hisob-kitoblariga mos keladi.
Amerika hukumati retsessiyani e’lon qilish vakolatidan butunlay voz kechgan. Bu vakolat Iqtisodiy tadqiqotlar milliy byurosiga — xususiy, notijorat tadqiqot guruhiga tegishli.
