Moldova poytaxti Kishinyovda xalqaro qidiruvdagi o‘zbekistonlik erkak qo‘lga olindi. Bu haqda Moldova politsiyasi matbuot xizmati xabar berdi.
Moldova milliy tergov inspeksiyasining jinoyat qidiruv bo‘limi xodimlari tomonidan ushlangan erkak O‘zbekiston va AQSHda xalqaro qidiruvga berilgan. 30 yoshli erkak xalqaro terroristik va ekstremistik tashkilotlarning yuqori martabali a’zosi bo‘lib, terrorchilik jinoyatlarini sodir etishda ayblangan.
Ilgari u Moldova hududida qotillikka urinishda ayblanib, jazo muddatini o‘tagan. O‘sha paytda uning O‘zbekistonga ekstraditsiya qilinishi kutilayotgan edi.
Avvalroq Rossiyadagi choyxonada ikki nafar hamyurtini pichoqlagani uchun qidiruvda bo‘lgan o‘zbekistonlik yigit qo‘lga olingandi. Mazkur hujum oqibatida jabrlanuvchilardan biri vafot etgandi.
Izoh (0)