Toshkentda tilanchi ayol ichki ishlar xodimi bilan janjallashdi (video)

Toshkent shahri Shayxontohur tumanida 12-yanvar kuni tilanchi ayol ichki ishlar organi xodimiga qarshilik ko‘rsatdi. Bu haqda poytaxt Ichki ishlar bosh boshqarmasi axborot xizmati xabar berdi.

Qayd etilishicha, ayol Samarqand darvoza ko‘chasida yo‘lning qatnov qismida 2 nafar voyaga yetmagan farzandidan foydalanib, tilanchilik qilgan. IIO xodimi unga tilanchilik bilan shug‘ullanmasligini va yo‘lning qatnov qismidan chetga o‘tishi kerakligini aytganida ayol xodim bilan gap talashib, urishib ketgan.

Mazkur holat yuzasidan o‘tkazilgan o‘rganish jarayonida aniqlanishicha, Sh.A. muqaddam 11 marotaba tilanchilik qilgani uchun IIO xodimlari tomonidan ogohlantirilgan. Bundan tashqari, Sh.A. ikki nafar voyaga yetmagan (kichigi 8 oylik) farzandidan foydalanib, yo‘lning qatnov qismida transport vositalarining harakatlanishiga xalaqit qilib, tilanchilik bilan shug‘ullangan.

Mavzuga doir:

• Chirchiqda bozorqo‘m non sotuvchi ayol va uning o‘g‘li bilan janjallashdi
• Qashqadaryodagi bog‘chada ayollar janjallashdi. Unda bog‘cha mudirasi ham ishtirok etgan