Тошкент шаҳри Шайхонтоҳур туманида 12 январь куни тиланчи аёл ички ишлар органи ходимига қаршилик кўрсатди. Бу ҳақда пойтахт Ички ишлар бош бошқармаси ахборот хизмати хабар берди.
Қайд этилишича, аёл Самарқанд дарвоза кўчасида йўлнинг қатнов қисмида 2 нафар вояга етмаган фарзандидан фойдаланиб, тиланчилик қилган. ИИО ходими унга тиланчилик билан шуғулланмаслигини ва йўлнинг қатнов қисмидан четга ўтиши кераклигини айтганида аёл ходим билан гап талашиб, уришиб кетган.
Мазкур ҳолат юзасидан ўтказилган ўрганиш жараёнида аниқланишича, Ш.А. муқаддам 11 маротаба тиланчилик қилгани учун ИИО ходимлари томонидан огоҳлантирилган. Бундан ташқари, Ш.А. икки нафар вояга етмаган (кичиги 8 ойлик) фарзандидан фойдаланиб, йўлнинг қатнов қисмида транспорт воситаларининг ҳаракатланишига халақит қилиб, тиланчилик билан шуғулланган.
Мавзуга доир:
Изоҳ (0)