O‘zbekistonning qator viloyatlarida qishki ta’til uzaytirildi

O‘zbekistonning bir qator viloyatlarida qishki ta’til muddati 23-yanvarga qadar uzaytirildi.

Ma’lum bo‘lishicha, Buxoro viloyatida ta’lim muassasalaridagi ta’til kunlari 22-yanvargacha uzaytirilgan. O‘quv mashg‘ulotlari 23-yanvar kunidan boshlanadi.

Andijon viloyatidagi bog‘cha, maktab hamda Prezident, ijod va ixtisoslashtirilgan maktablar, shuningdek oliy va o‘rta maxsus ta’lim muassasalarida qishki ta’til 23-yanvarga qadar uzaytirilgan.

Shuningdek, Xorazm viloyati hududida sovuq ob-havo sharoiti saqlanib qolayotgani tufayli barcha maktabgacha ta’lim muassasalari, umumta’lim maktablari, Prezident, ijod va ixtisoslashtirilgan maktablar, oliy va o‘rta maxsus o‘quv yurtlarida qishki ta’til 23-yanvarga qadar uzaytirilgan.