Qoraqalpog‘istonning Xo‘jayli tumanidagi oziq-ovqat do‘konida 16-yanvar kuni yong‘in sodir bo‘ldi. Bu haqda Respublika Favqulodda vaziyatlar vazirligi axborot xizmati xabar berdi.
Ma’lum bo‘lishicha shu kuni soat 05:02 da “Madaniyat” mahallasi Mustaqillik ko‘chasidagi “F.Q” MCHJga qarashli yengil konstruksiyali oziq-ovqat do‘konida yong‘in sodir bo‘lgan.
Voqea haqida 101 tezkor raqamiga murojaat kelib tushgach, voqea joyiga 6 ta yong‘in-qutqaruv ekipaji jalb qilingan. Aniqlanishicha, do‘konning 108 metr kvadrat maydoni yonib zararlangan.
Ma’lum bo‘lishicha, yong‘in oqibatida hech kim tan jarohati olmagan va halok bo‘lganlar yo‘q. Hozirda yong‘inning kelib chiqish sabablari aniqlanib, yetkazilgan zarar miqdori hisoblab chiqilmoqda.
Izoh (0)