Futbol bo‘yicha Ispaniya Superkubogining yarim finalida “Barselona” va “Betis” jamoalari 12-yanvar, payshanba kuni bahs olib bordi.
Uchrashuvning 40-daqiqasida Robert Levandovski hisobni ochdi. 77-daqiqada Nabil Fekir muvozanatni tikladi. Asosiy bo‘limlar durang natija bilan yakunlangach, jamoalar qo‘shimcha bo‘limlarga yo‘l oldi.
Qo‘shimcha bo‘limlarda ham har ikkala jamoa vakillari bittadan gol urdi: “Betis” safida Loren Moron, “Barselona” safida esa Ansu Fati. Umumiy hisob 2:2 ko‘rinishiga keldi va g‘olib nomi penaltilar seriyasida aniqlanadigan bo‘ldi.
Penaltilar seriyasida esa kataloniyaliklar 4:2 hisobida zafar quchdi va final yo‘llanmasiga ega chiqdi.
Dastlabki yarim finalda “Real” “Valensiya”ni penaltilar seriyasida mag‘lub etib, finalga yo‘l olgan edi. “Real” va “Barselona” o‘rtasidagi final bahsi 15-yanvar kuni o‘tkaziladi.
Ispaniya Superkubogi
Yarim final bahsi
12-yanvar, payshanba
“Betis” — “Barselona” 2:2
Penaltilar seriyasi: 2:4Gollar: 0:1 – 40 Levandovski, 1:1 – 77 Fekir, 1:2 – 93 Fati, 2:2 – 101 Moron.
“Betis”: Bravo, Ruibal (Sabali, 79), Pesselya, Luis Felipe, Miranda, Kanales (Vilyam Karvalyu, 46), Rodriges (Guardado, 86), Rodri (Xuanmi, 79), Fekir (Moron, 90), Iglesias (Villian Joze, 67), Luis Enrike.
“Barselona”: ter Stegen, Serji Roberto (Kristensen, 78), Kunde, Arauxo, Alba (Alonso, 79), de Yong (Buskets, 63), Pedri, Gavi (Kessie, 96), Levandovski, Dembele (Ferran Torres, 63), Rafinya (Fati, 86).
Ogohlantirishlar: Fekir (48), Serji Roberto (60), Luis Enrike (68), Rafinya (73), Rodriges (79), Miranda (92), Guardado (112).
Chetlatish: Guardado (118).
Izoh (0)