Yevropa top-8 ligalari chempionlari 2021/22-yilgi mavsumda qancha daromad ko‘rgani ma’lum bo‘ldi

Football Benchmark portali Yevropa top-8 ligalari chempionlarining 2021/22-yilgi mavsumdagi daromadini hisoblab chiqdi.

Unga ko‘ra, APL chempioni “Manchester Siti” yetakchilik qilmoqda, undan biroz kamroq daromad ko‘rgan “Real” ikkinchi o‘rinda. Top-3 likni Fransiya chempioni “PSJ” egallagan.

Hisob-kitoblarga klublarning tijoriy kelishuvlari, transferlari va o‘yinlar o‘tkazishdan topgan mablag‘lari kiritilgan.

1. “Manchester Siti” (Angliya) — 731 mln yevro
2. “Real” (Ispaniya) — 714 mln yevro
3. “PSJ” (Fransiya) — 670 mln yevro
4. “Bavariya” (Germaniya) — 627 mln yevro
5. “Milan” (Italiya) — 269 mln yevro
6. “Ayaks” (Niderlandiya) — 189 mln yevro
7. “Portu” (Portugaliya) — 144 mln yevro
8. “Trabzonspor” (Turkiya) — 59 mln yevro.