Rossiyaning Ufa shahar sudi 24 yoshli askarni Ukrainada jang qilishdan bosh tortgani uchun besh yilga ozodlikdan mahrum qildi. Bu haqda Meduza xabar berdi.
Sud ma’lumotiga ko‘ra, 24 yoshli askar Marsel Kandarovga safarbarlik davrida 1 oydan ortiq muddatga harbiy xizmatdan bo‘yin tovlaganlik aybi qo‘yilgan. U 2022-yilning may oyida Ukrainaga qarshi urushda qatnashishni istamagan va navbatchilik joyiga kelmagan.
2022-yil sentabrida u huquq-tartibot idoralari xodimlari tomonidan topilgan. Sud Kandarovni harbiy xizmatdan bo‘yin tovlaganlikda aybdor deb topgan. U 5 yil muddatga ozodlikdan mahrum qilish jazosini umumiy rejimdagi axloq tuzatish koloniyasida o‘tashga hukm qilingan.
Mavzuga doir:
Izoh (0)